تعديل

Cool Text: مولد الشعارات والجرافيكس
اخر الاخبار
التحميل

الاثنين، 3 فبراير، 2014

صوت اريج


أكتب ... أكتب ... أكتب أكتب بخط أحمر
انك تكون في القصر محمية بي عسكر
لا رئيسو متعلم لا يوم مسك دفتر
دستورو دبابة قانونو إسمو كجر
هو راعي للارهاب وأسس دولة شر
أكتب ...أكتب...أكتب وأنشر في جريدة الدار
جيش التحرير املنا والثورة لينا خيار
حالفين نحقق حلم نناضل ليل ونهار
نهتف باعلي صوت الثورة لن تنهار
نتلاقي في لبدو نتلاقي في سندو
نتلاقي في أبو قمرة والنصر لنا شعار
امل اللقاة بكرة واريج الثورة النار
أكتب...أكتب...أكتب أكتب وارمي اللوم
إن البلد موعود بثورة من مظلوم
نبداها في الهامش والويل للخرطوم
إما الحقوق ترجع أو الجبان ما ينوم
أكتب...أكتب...أكتب أكتب وما تندم
حتماً نثور في يوم كل المراد يبسم
حرية...حرية بالوحدة نتلم
وحدة سلام وعدالة دا الواحة الفيهو ننعم
نفتح مدارس جد شأن كلنا نتعلم
نتعالج بالمجان ما هو العلاج دا الهم
نتلاقي دون تمييز نرقص بأحلي نغم
سوداني ...سوداني النخلة ...تتمايل
والبفرة تتراقص ونتلتل القهوة
والقشرة للمنقا ديل بيهم نتنعم

………………………………………………………………………………………………
الجبهة الشعبية المتحدة UPF (1) رفاق حول مشروع

أكتب ...أكتب...أكتب اكتب وصرح قول
نتقاسم السلطة ما حق لكل زول
نتقاسم الثروة القطن والسمسم
الصمغ والبترول يمكن يكون دا علاج
يمكن يكون بندول

………………………………………………………………………………………………
الجبهة الشعبية المتحدة UPF (2) رفاق حول مشروع

المحبة للشعب

حيث يوجد الامل
تكمن المحبة للشعب المضطهد
رأينا بالصدفة يوما ما
فتاة عضها الجوع
تمشي في خطوات متعرجة
فصاح رفيقي ضد هذا نحن نقاتل
فاستجابة قلبي وآمنت
إنه لابد من درب النضال
تعيد للشعب حقوقه
ليصنع قوانينه بنفسه
من أجل مستقبل احسن
للإنسانية جمعاء

………………………………………………………………………………………………
الجبهة الشعبية المتحدة UPF (3) رفاق حول

مفازة العدم
تستروح المساء في مفازة العدم
الخبز رحلتي وسامرالشكاة غنوتي
لذا وزعت بالمجان حصتي
من ممكن الغنيمة الثلث للعراء
والخمس حصتي لساحات الصراع
وثالث الاجزاء القلاع والضوضاء بموطني
عليَ بذاك إسترد لوحتي نقية الصفاء
ولجت باب الفعل في سؤال
قلت له : هدارة للوقت انت
ايا بهية السمر لنا
الجراح والملال نجاح النضال
تالله كانت الليالي مقمرة
وغابة المساء تحمل العشاق للنجوم
لانني اراك هكذا في الصَد ممعنة
ألوزُ بالطحالب المخبأة بخاطري
الله يا زمان الاصيل ويا تراكم الفصائل المصادمة
نحن الذي نشتري حياتنا رهينة
ونستظل بالمواقف الاصيلة ونقول لا
ونرتدي لظي السهول
لان من يحب ساعديك لايتيه عن سؤال:
الخبز للجميع ؟ العز للجميع ؟ الكرامة للجميع ؟ الوطن للجميع؟
تحاملي علي رؤاك المجهضة
وغيبي نضال حبك العظيم في خاطر الصغار
بهم يكون الحلم ممكنا وآية العبور خبرة
وموتنا بداية

………………………………………………………………………………………………
الجبهة الشعبية المتحدة UPF (4) رفاق حول مشروع

شارع الحياة

فتحت يوم ذي كل يوم
عاينت في وش كل شئ
في الغرفة او شارع الحياة
في الارض او السماء ذي كل يوم
شفت الصباح ذي الصباح في يوم امس
ما فيش جديد تحت الشمس
الارض ياها الارض
والظلم مفروض فرض والملوك نفس الملوك
الصباح رغم الشمس متغطي بثوب السواد
ذي كل يوم
أقدر اقيف لو ساعة بس من المكان
دخنت من نفس السجائر والشقا
قحيت رماد شأن استريح من التعب
فتشت في بعض الرسائل والكتب
شأن القي بس شيئا جديد
حرفا سعيد
برضو الكتب ياها الكتب
والكلام ياها الكلام
والرسائل مبدوئة بالسلام والشوق والاحترام

………………………………………………………………………………………………
الجبهة الشعبية المتحدة UPF (5) رفاق حول مشروع

سألت نفسي

سألت نفسي يحث فلاح وسط الليل فيه
سالت نفسي
اي شئ يا فؤادي تشتهيه
اوطانك الخضراء اجهضها خريف العمر والزمن السفيه
فالناس باعت اجمل ايام العمر في سوق الجوارى
فلم يعد في العمر شئ تشتهيه
باعوا الليالي البكر والحلم البرئ
وباعوا نخوة الذكرى ونزوة المن النزيه
قد شيدو للقهر اوكاراً وسار النهر مقبرة
وضاق الماء بالعفن الكريه
ونمقوا خيوط الفجر في رحم الليالي
ثم راحو يرجمون الضؤ فيه
قل لي بربك يا فؤادى
أى حلم بعد هذا تر

………………………………………………………………………………………………
الجبهة الشعبية المتحدة UPF (6) رفاق حول مشروع

مكث الطريق

شئ في اعين الغاليين
او اه يا وطني نئن
واراك في ذات الحريق
تغزل الطريق الي النهايات الاليمة
هذا النشيد امراءة تئن
وتستغيث لادعارة بالرواة
وتموت في الاحشاء واقفة كما يموت العير
هذا ما اورثتني وطني
حقد دفين .. والغارمين نصف احساس ودين
والطارقين ببوابة الاله من ماء مهين
وطني مساحة ان نكون الكاظمين الغيظ
في الاحشاء
وطن الانماء ... التوابيت الخواء
والماكثين علي الطريق
ما معني انتمائي او فنائي عبثا
هي تلك المعاني : الاماني والسراب
الآن يا وطني عويل ... دربا طويل
وانت تلفظ الانفاس من رحق المسير
كيف الرصيف يضج بالاقدام والازلام
وحقائب مليئة بانصاف الحلول.

………………………………………………………………………………………………
الجبهة الشعبية المتحدة UPF (7) رفاق حول مشروع

روح النضال كنة

من الشمال إنتي من الجنوب إنتي
من الشرق إنتي من الغرب إنتي
من الوسط إنتي
روح النضال كنة يا واحدة في المية
انا عندى زيك كم يا دوحة ثورية
اجلك نموت مليون وزيادة فوق مية
نكتب عريض إسمك في لوحة محمية
نزرع يمين أرضك بجرار وطورية
الشعب بإسمك غني حرية سلام حرية
علي شأن ما يحقق حلمو بثورة شعبية
ضد الدخل بالليل بجيش سرية
حكم البلد بالزيف بكذبة دينية
أكلو أموال الشعب ديل كوم حرامية
سفكو دماء الشعب بثورة نازية
موعودة يا كنة ..................موعودة يا كنة

فجر الثور

فجر الثورة الاعظم اخترنا الاغليم الغربي
سهول وجبال وبوادي ؟؟""
باسم الحركة ضربنا دانة وطلقة فنك
بل u.p.f اعلنا مشروع علماني ودولة حق
رفاق حملنا القوقو كتمور مريومة تلف
كروزر مقطووووووووع الراس ؟؟
النا الحرب باجملة بتصريح من راسة الحركة
البيان الاول كان للوالي ؟؟جاينك جوة الفا شر
اىلقتل اتجاوزالف والجرح عد الساسة........
,,,ومعا رك دارتودارت في لبدو وسندو وكومة
في عديلةوغويشة وتويشة.
؟؟حررنا اراضي الجوة
الناس روحم طلعت حلفنا بدم الشهدا الكن معدوم حنشيلو
واقسمنا بشرف الثورة الكان معدوم حنجيبو
لا دين احسن من دين لازول بي فوق لي زول

حرية ...سلام...وعدالة ...والديغراطية خيار الحركة

………………………………………………………………………………………………
الجبهة الشعبية المتحدة UPF (8) رفاق حول مشروع

صرخة جريح

في صمت الحروب والنضال ونزيف النساء والاطفال
وإغتيال الحضارات واستعلاء الثقافات
حاولت مرات ان اتناسي الكتابة ولم استطع
حاولت مراراً ان اتكي علي وسادة ساخرة
تسخر مني ومن يأسي وركودي ولم استطع
ولكن جرحك يا وطني تضاعف في دمي
ومزق اربطتي وقضاريفي بين العظام
ولم استطع ان اهدا في صمتي ذلك الحصار
ولم اهدا اليك القمر وفي تمزيقك وحصار شعبك
وقد تذكرينا ان إسمك عند التاريخ له شأن رفيع
ولا يمكن ابدا ان يمر هباء
وقد تعرفينا ان الشمس عندك يولد مرتين
في نهار الكبرياء وفي ليلة التفاني والاباء
ولا يمكن ابدا ان نقتل الشمس ونترحم علي اطلالها
ولايمكن ان اتناسي في حقي اليك
وتداس تحت مطالبة الطفولة
الا إنني في حصير علي ماضي عريق
اريدك يا وطني اعصاراً وفيضانا
يغرق مطامع الاوغاد ويكسر شوكة المتربسين كالضياء
اريدك الضياء ذاته فخراً وصمودا
اريدك يا وطني توهجا في كل العصور
يثمر ثورة علي الوضع الخاطع
والالاف من الاطفال والنساء
ما ذنبهم في امتلاك الموت وهدر الدماء
والملايين من المنازل يتمادى حريقا

………………………………………………………………………………………………
الجبهة الشعبية المتحدة UPF (9) رفاق حول مشروع

ويذهب عقول الناس جياع
الشعب صامت كصمت القبور
وبلادى غارقة في حصار الغضب ورهان التمزق
يا وطني ما زالت تواقيع يديَ تسطر آهات عديدة
علي صفحات الورق وتنهدات الآنين
وطعنات سامة مغروسة في انتمائي سوداني
سوداني انا .... فكيف لي ان لا اجن ولااحس
ولا اموت قهرا لسلب حياتك بالقوة
وقتل زهورك عنوة
وشنق ارواحا بريئة بالمرض والجوع
يا وطن الاوهام والاشياء
يا وطن الاشياء والاوهام
اني لا ارى فيك بالليل الا قططا مزعورة تخشي علي ارواحها
من سلطةالفئران

………………………………………………………………………………………………
الجبهة الشعبية المتحدة UPF (10) رفاق حول مشروع

نسمة تمر
اطلق رصاصة على كل شئ
على كل نسمة تمروما تاخذ اذن
على كل كلمة بدون جواز
علم عصافير البلد تكتب تقاريرالجهاز
علم شبابيك المدن علم فوانيس القرى
وكل سيقان الذرة
خلى النمل يدخل صفوف المخبرين
خلى الرزازيكتب تقاريرالجهاز
احسن تعبئ الشعب اغلبو في قزاز
ركزبالشدة على الجياع
لوتستطيع حتى ولوقدرالمستطاع
اقذف بكل الكادحين سابع ارض
ارجم رجم صادرمن الليل النجم
صادرمن البحر الجذر
امسح وماتقبل عذر
وجه الصباح قصص جناحين الرياح
جمد شراين الحياة
وانفى الامل المحتمل

………………………………………………………………………………………………
الجبهة الشعبية المتحدة UPF (11) رفاق حول مشروع

الحصار
كلماتي تخترق الحصار
اهاتي تمتحن الوقار
الليل يختزل النهار
هذا النشيد
دمع علي حجر الصلابة
شئ من كبرياء اللحظة الاولي
تقود في تجاويف العظام
تدقق في عزائنا البكاء
هيا اشجبو كل هؤلاء
والمساحات الخواء
ثم انثرو ه في الهواء
يا اخر الاثنين من جوف السنين
الكل ناح عليك يا وطني

………………………………………………………………………………………………
الجبهة الشعبية المتحدة UPF (12) رفاق حول مشروع

اعاني من جديد

ان لهذه الشمس ان تاتي الي
والليل يزحف في ثراك
هذا النشيد من تاويل البقاء
وهذه المقاصل للفناء
وطني إني ادعوك فإستجيبني
ان اغثني
الشك ير صف في حنايانا التغرب والهجير
اني اتيتك مستجير رغما عن انف الضباب
رغم البكاء يسد حنجرة الاغاني
رغما ... ورغما من جديد
إني اتيتك كي اعاني من جديد

………………………………………………………………………………………………
الجبهة الشعبية المتحدة UPF (13) رفاق حول مشروع

امتمردا أنا؟

امتمرداً انا ....؟
إذا ما هاجمتني الذئاب
ولقنت عدوى درسا في الكفاح
وكتب إسمي في سجلات الفلاح
اهكذا يسمي السَفاح
امتمردا انا في وطني ؟
انشد العدل والعرض المصون
امتمردون نحن إذا ما قلنا الحق ؟
نزج الي السجون
ونزوق كل الوان العذاب واصناف السموم
سنظل ننشد في سجنك
هيا إلى الكفاح
وإن كنت تحمل في يديك مفاتيح المنون
هكذا سيكون النضال
حتي يسود العدل في قمم الجبال

………………………………………………………………………………………………
الجبهة الشعبية المتحدة UPF (14) رفاق حول مشروع

وطن

وطن عادل وطن واحد وطن فيه المصير واحد
وطن تتواسي اجيالو تكون الوحدة اشعارو
وطن تتعلم انجالو عشان تصبح سند واعد
وطن راجنو من قمنا وطن ما فيه جيل مظلوم
وطن ما فيه حق مهضوم وطن ميزانو متواحد
وطن لي موسي لي ادروب وطن لي تية لي يعقوب
وطن عبد الله بترس ورب وطن فيه المصير واحد
وطن لي ميري لي ماجدة وطن لي رندة لي حاجة
وطن مريومة لي خالدة وطن عشانو بناضل
شبابو يفجرو الطاقات وفيه تتسامح العادات
وطن لاعنف لا أزمات وطن فيه العقل شاهد
وطن فيه التنمية بهدف وطن خريجو متوظف
وطن يواكب الموقف وطن عظيم وطن ماجد
وطن ما فيه سيد مسيود وطن ما فيه صوت مفقود
وطن مافيه إستعلاء وفيه الناس تكون كتلة
وطن يسمو وطن يعلاء وطن من طينا لي راشد

………………………………………………………………………………………………
الجبهة الشعبية المتحدة UPF (15) رفاق حول مشروع

رصيف الغيب

شئ من رصيف الغيب يحبوا
والخيل واقفة علي المحراب
تمس حوافرها الصهيل افك هو الخاطر الاتي
اذا خرج علينا ان نغض الطرف
وان نمضي الي القاع السحيق
من ذا الذي لبس المشيب وباع غض الشباب
من غيرنا عض الوجيعة والفجيعة استحي عذابات المسير
من غيرنا ضرب المعاول في اليباب
من غيرهم سلك الطريق الي السراب
ونادو قبل الخلق في هذا الخراب
رهق عذاب مستطاب
نرصف الاهات في الطرقات نارا
فاحترقنا ذلك الشئ
الذي لاينتمي الي لغة النشيد
اراك تحفر في مشاعرنا الصمود
واردت ان اشتري خبزا
بطعمك يا وطني
الرفاق يتقاسمون الهم في الطرقات
وتظل الحاجة الهوجاء من عمق الوريد
واراك يا وطني اراك

................................................................................................................................................
الجبهة الشعبية المتحدة UPF (16) رفاق حول مشروع

سألت الحاكم

قد : سألت الحاكم يوما
قلت: هل انت الذي انجبتنا
قال :كلا
قلت : هل سيرك الله الها فوقنا
قال :كلا وحاشا
قلت : هل كانت لنا عشرة اوطان
وفيها وطن مستعمل ذاد عن حاجتنا
فوهبنا لك هذا الوطن ؟
قال : كلا وحاشا
قلت : هل اقترضنا ديننا
الا ان تقصف الارض بنا
ان لم نسدده لك ؟
قال كلا وحاشا ولا احسب ذلك ممكنا
إذا ، فلماذا تظل تقهرنا يا إبن الكذا ...
وعند الصبح كلاب الامن طرقو بابنا
وقالو اخرج إلينا يا إبن الكذا...
في بيتكم رصدنا حلما خائنا
هذا هو بلد الاشياء ...
بلد المشي علي اربع...

………………………………………………………………………………………………
الجبهة الشعبية المتحدة UPF (17) رفاق حول مشروع

كل واحد

شهر خمسة وشهر ستة وشهر واحد
كل واحد
المشاهد نفس المشاهد
ناس تدجل وناس تطبل
وكل واحد
والحقيقة الحق مودر قاعد اتفرج مخدر
كأن البيحصل بس مجرد مسرحية
وكل واحد
مرة لابس جبة خضرة و مرة شايل سبحة حمرة
ومرة ضارع بندقية
وكل واحد
جنة الاطفال مجاعة وحضنة الاجيال قناعة
وروضة الاعمال بشاعة
والحقيقة يا شيخ الطريقة
إن الغبش زادو في الغباش الكثير
وكل واحد

................................................................................................................................................
الجبهة الشعبية المتحدة UPF (18) رفاق حول مشروع

الناس الغلابة

البشرى للناس الغلابة
الباتو بصمة خشم
والبصح باكر وملتوى
في بالو لقمة عيش عشم
بالموية او بالويكة ماشي الحال حكم
هي اللقمة كيفن تنبلع ولكيفن تنهضم
ده العمرو كل بحر العدم
حتي الوليد الفايت عمل
لاشاف وريقة ولاقلم
الروضة كانت والغنم
المدرسة الغابة والطير عجم
بين الدرع وشجر الكتر
ودرب الحفا ونعل السجم
مريومة بيت الهم بحر
في ايدها فاس طالعة الخلأ
والكف خشن
والحنة ما كان يوم في الحلم
وابونا ادم في القصر جنب البحر
غير الكرش ما ليهو هم
....

................................................................................................................................................
الجبهة الشعبية المتحدة UPF (19) رفاق حول مشروع

شعبا يفوت او كان يموت ما ذات اهم
الا الاهم ان يطلع قرار والرد نعم
ان قلنا لا او قلنا ليه
جنزير طويل وكمان سجن
إذاً ، لابد ان نرفع علم
بثورة شعبية نرفع علم
بكفاح مسلح نرفع علم
وبجرار وطورية نرفع علم
ومن طباشيرة ورصاص نرفع علم
حرية ..عدل ..سلام ..ديمقراطية

………………………………………………………………………………………………
الجبهة الشعبية المتحدة UPF (20) رفاق حول مشروع

المحاكمة

لئيمة مكائد الاحقاد وكت تنعيك بالدنيا
غبية محاكم الفاشست وكت تلوى الضمير عنيا
أمينة دفاتر الاشعار صرف كلماتو بالمنيا
أرافع لا لقاضي الحزب ولا لعسكر السلطان
أرافع لضمير الشعب وفوق زرقة سماء السودان
ادق طبل الغضب واصرخ واقول كل الكلام مليان
مجرح في جرائد الحاشية والطغيان
قلم فاشي القصص عني مليو دورها بالالوان
وبين تنكيل قلم جاهل وتهليل حملة الاوثان
بقيت سائر بدون تاريخ وراجي اشارة الاعدام
كل التهمة ماساومت وما إستسلمت للاحلام
وما استغنيت خلاص بلدي بايد ثوار من الماديح
سيوف ميتة وطوال اقذام مناضل قالو لي حزبي
وساقط لي ديمقراطي صحيح صبح الفهم واطئ
وضمير القاضي ما خجلان بشر سعد المناضل يوم
ويوم يكتب علي اسمو هوان تقول كسرت سن قلمي
تقول بايعت للشيطان تقول معني النضال
اصبح قلم سابح بدون اوطان
كرهت تفاهة الثوار وكت يبقي النضال قعدة
وكرهت قصائد الحفلات عن الثورة وعن الجبهة
وصوت فنان ملون بي هوى الاسياد وساقط
من ضميرو الكلمة والمبدا وحامل راية الاوغاد
اموت يا وطني بخنجر مكايد الحاشية والطاغية

................................................................................................................................................
الجبهة الشعبية المتحدة UPF (21) رفاق حول مشروع

ولا الشايلين إسم ثوار وهم من عصابة المافية
يمينك لعبة الاوزان يسارك ياوطن تايح
مقسم في الحرب كيمان مناشير عن نضال احزاب
افكارمن شعر احزاب كأن الحزب هم نفسو
وكأن الازمة بس جرحو وجراح الامة ضاق راح
كأنو يلامو لاولدة بطون امات ولاصبح النضال ساحة
ويقيف الشعب في ساحة المحطة دهور
قطار الوحدة لاشرف ولافارق عيونو السور

………………………………………………………………………………………………
الجبهة الشعبية المتحدة UPF (22) رفاق حول مشروع

ابوجا

ياتو ورقا اتمضي وكان داوانا من الاذى
ياتو ظلما إتنسي
بس شأن فاطنة ضحكت او مريومة عفت
ياتو خطبا في ايدينا
وكان جمل في عيونا المناظر الشينة
ياتو زينة لبست عريانة توب وغيرت طعم السخينة
ياتو وعدا في بلدنا ما صبح بلة عجينة
ياتو مركب في بحرنا طاش ضلت طريق
وما حدد اعصابها المنية
ياتو فارسا بالبشارة جانا من اقصى المدينة
وبالبشارة كان مسح سبورة الرحلة الحزينة
غرس بالليل بشارة الرتينة
وشفانا من الجوع والحفا
ياتو اعلان او بيان ما غرس في القلوب احزان
ياتو رتبة وياتو قبة ما صبح في القبة كبة
ياتو اذان ياعسعس مالطا انسمع
ياتو صوتا من الوجع دم دم هتف ما انقطع صوتو ونزف
لما جمر الدنيا تصبح وما انجبر يا د نيا خاطر
لسة لا فات المواجع والصفافير والمواتر والاهانة للشعب البطل
كنا نحلم بالمغاير او كبرى طاير في القماير

………………………………………………………………………………………………
الجبهة الشعبية المتحدة UPF (23) رفاق حول مشروع

المصير

فخرا سنفديك ياوطن الاباء والاجداد
واري الاحرا يشكون من ثرلك الغالية
حتمنا مجندا ومبرما ومستهامك يا بلادي
ولست عطوفا راقصا كمثل الها لك المنهار
يا حسرة ذي يوما انشد بدويتي واسال لماذا اندسرت فينا الاشواق
وبالطيب حصدنا المظلمة وكمد
ةاليوم رجعنا لوصائقنا المدونة وانشدنا الويل للخرطوم
هيا ها مش السودان ادركو
نستجيب لسودنتنا وحدة وحرية
كفاية ابادة جماعية وعا رية سرية ليلية
القري اثار رمن الرماد ساكنوها حجر بزعامة دموية
اقسمنا واسسنا ثورة شعبية لتعيد لدولتنا دولة قومية
لاوطني لاشعبي لاامة لاسني خلاص قلنا تحرير وحرية
وانت في خا طرنا يا سودان وعشانك اموت في جبال الثورية
ومن جبا الثورية تحية لقا ئدنا عسكر في ضواحي الديمقراطية
جيش في الغابات الابنوسية وشعبا داخل المدن الثورية

صوت النضال

التحية لمن شهد النضال ميادين الشرف
والذكري خالدة لمن عاش منا ضلا في المعتقل
شكرا لامجد الثوار غلو علي ذنازين الولي
ويدركون ان الايالي للطغيان وزمن الجور المنصرم
وكم من الغبش يتركو رفا قهم في الجحيم
ويسعي شاكيا من الفولكان عاشقة
هجمت ليلا وسكنت نهاراليبني سجون الغبش
نا سيا عرقيتة وكمان تصفيات سرية في المعتقل
مهما يسعي ليبني غرفا مجهولة
فخرا صوتنا للشعب نزعت بالقوة
وطني انجبتني وعلمتني اعرافها الغلية
فكيف انسي قساوة شعبهاوقراها معدومة
ثوريا احببت مليون ميلا شوقا تؤلمني الدمعة
عشقا لا اثار السودنة عينا وغضبا لبلد غزتها همم
وما بقي سوي قتل وتشريد واغتصاب الثكالة
القيادات حركة تحرير السودان

Live Support

0 التعليقات:

Twitter Delicious Facebook Digg Stumbleupon Favorites More